የመሶብ አንድ ማዕከል አገልግሎት የመንግሥት አገልግሎቶች ዜጎችን ያለአላስፈላጊ እንግልት፣ መዘግየትና ተጨማሪ ወጪ በፍጥነትና በቀላሉ እንዲደርሱ እያደረገ መሆኑን ሲዳማ መሶብ አንድ ማዕከል ገለጸ።

‎***********

ሀዋሳ፣ ነሐሴ 16/2018 ዓ/ም (ኤስቢሲ) 

‎በልዩ ቁጠባና ብድር መሠረታዊ ህብረት ሥራ ማህበር ለሲዳማ መሶብ አንድ ማዕከል ሠራተኞችና አመራሮች በተዘጋጀው የአገልግሎትና የሥራ ማነቃቂያ ስልጠና ሰቷል።

‎

‎

‎የሲዳማ ክልል ሲቪል ሰርቪስና ሰው ሀብት ቢሮ ኃላፊ አቶ መንግሥቱ ማቲዎስ ፣ የመሶብ አንድ ማዕከል ዋና ዓላማ ዜጎች ከእንግልት ነፃ የሆነ፣ ፈጣን፣ ቀልጣፋና ግልጽ አገልግሎት እንዲያገኙ ማስቻል መሆኑን ገልጸዉ

‎በአገልግሎት አሰጣጥ ወቅት ዜጎች እጅ መንሻ እንዳይጠየቁ የሚገባቸውን አገልግሎት በጊዜውና በተገቢው መልኩ እንዲያገኙ መሶቡ እገዛ እያደረገ ነዉ ብለዋል።

‎

‎በሲዳማ መሶብ አንድ ማዕከል ከ100 ሺህ በላይ ተገልጋዮች አገልግሎት ማግኘታቸውን የገለጹት አቶ መንግሥቱ፣ አገልግሎቱን በክልሉ በስድስት ከተማ አስተዳደሮች የማስፋት ሥራ እየተሠራ መሆኑንም ጠቁመዋል።

‎

‎የሲዳማ መሶብ አንድ ማዕከል ዋና ሥራ አስፈጻሚ አቶ እንግዳየሁ ዘውዴ በበኩላቸው፣ በ2017 ዓ.ም. ተግባራዊ የሆነው የመሶብ አንድ ማዕከል አገልግሎት የመንግሥት አገልግሎቶችን ፈጣን፣ ቀልጣፋ፣ ግልጽና ከብልሹ አሠራር የፀዳ ለማድረግ የሚያግዝ ዘመናዊ የአገልግሎት አሰጣጥ ሥርዓት መሆኑን ገልጸዋል።

‎

‎በክልሉ በ24 ማዕከላት 94 የተለያዩ አገልግሎቶች በተሳለጠ መልኩ እየተሰጡ መሆናቸውን የጠቆሙት አቶ እንግዳየሁ፣ የአገልግሎት ብክነትና ሌብነት በመቀነስ የተገልጋዮችን እርካታ 99.4 በመቶ ማድረስ መቻሉን ገልጸዋል።

‎

‎

‎የአገልግሎት ጥራትን በተጨማሪ ለማሻሻል ከግል ዘርፉና ከሌሎች ተቋማት ጋር በትብብር መሥራት ወሳኝ ነው ብለዉ በዚህ መሠረትም ከልዩ ቁጠባና ብድር መሠረታዊ ህብረት ሥራ ማህበር ጋር በመተባበር ለሠራተኞች የቁጠባና የብድር አገልግሎቶችን ለማመቻቸት ሥራዎች እየተሠሩ መሆናቸዉን ገልጸዋል።

‎

‎በተጨማሪም ማህበሩ በራሱ ወጪ ለመሶብ ሠራተኞች የሥራ ተነሳሽነትና የአፈጻጸም አቅምን ለማሳደግ ስልጠና ማዘጋጀቱን በማድነቅ፣ ተመሳሳይ የትብብር ሥራዎች በቀጣይም እንዲጠናከሩ ጥሪ አቅርበዋል።

‎

‎የልዩ የገንዘብ ቁጠባና ብድር መሠረታዊ ህብረት ሥራ ማህበር ሥራ አስፈጻሚ አቶ ተክሌ ሞላ በበኩላቸው፣ ማህበሩ ከተመሠረተ በአንድ ዓመት ውስጥ ከ220 በላይ ሠራተኞችን በማቀፍ 11 ቅርንጫፎችን በመክፈት አባላቱንና ማህበረሰቡን ተጠቃሚ የሚያደርጉ ሥራዎችን እየሠራ መሆኑን ገልጸዋል።

‎

‎ለሲዳማ መሶብ አንድ ማዕከል ሠራተኞች የተዘጋጀው ስልጠና ሠራተኞች ስለማህበሩ በቂ ግንዛቤ እንዲያገኙ፣ የቁጠባና ብድር አገልግሎቶችን ተጠቃሚ እንዲሆኑ እና በጋራ በመሥራት የሠራተኞችን የኑሮና የሥራ ሁኔታ ለማሻሻል የሚያግዝ መሆን አስረድተዋል።

‎

‎አካሉ ጥላሁን

ለሃሳብ ልዕልና 

ቀጣዮቹን ማስፈንጠሪያዎች በመጫን የኤስቢሲ ቤተሰብ ይሁኑ! 

Facebook: -

https://www.facebook.com/profile.php?id=61563363361689 https://www.facebook.com/profile.php?id=100064075051944

YouTube: -

https://youtu.be/fUjnn1dQLg8?si=1bzb_8Nx8mnC-Vk5

Telegram: - https://t.me/sbcnewmedia

WhatsApp: - https://whatsapp.com/channel/0029VaZ2D6NH5JLsF9xJaB