Hawaasi Quchumi teessaancho ikkinoha Kalaa Girma Washeha Barra 09/01/2019 M.D hashshihunni 5:30 saate ikkanno yannara galtesinni ledo Referaalete Hospitaalera xissamino manna xa`me fulanni nooha Haweela Tuulate Sinu Quchumi Tullote Olliira Baxxino Baaycho "Ama Paarke" yinanni qooxeessira ayiimmansa anfoonnikki huluullamaano qaraamu siwiilinni qasse shitinota xawinsoonni.

Hawaasi Quchumi Poolisete Biddishshinna Haweela Tuulate Sinu Quchumi Poolise assitino kaajjado harunsonni jaddo loosse wirri yitinore sase (3) huluullamaano maaxantinowiinni dagate kaa`lonninna Poolise assitino kaajjado harunsonni harancho yanna giddo seeru hundaanni hosiisate dandiinoonni.

Hawaasi Quchumi Gashshooti Poolisete Biddishshi 2nki Biddishshi Hajajaanchinna Qortote Handaari Sooreessi Insipekiter Dessaalenyi Dangisohu xawisino garinni seeru hundaanni assinoonni huluullamaano aana qorto buunxanni hee`noonnita xawise qortote ha'rinsho gooffuro dagate egensiinsannita qimmissino.

Sooreessu ledoteno Quchuminkera ayee jaddono loonse seerunni xa`mamatenni gata dandiinannikkitanna poolise dagate keerenna ga`labbo agarsiisate kaajjillunni loossannota xawise daga qooxeessinsa keerira ga`labbote bissara assitanno kaa`lo kaajjishshe sufa hasiissanno yee sokkasi saaysino.

Hawaasi Quchumi Gashshooti Poolisete Biddishshi kalaqantino ikkitonni baino lubbora lowo dadilli macciishshaminosi xawisanni shiidhu maatera, fiixa firahonna baxillaanosira shesho aannonsa gede halchannota xawisinno.

Bue: ​Hawaasi Quchumi Poolise Biddishshite

Hedote Luphiimmara

Ledote Mashalaqqera

Woriidi Mashalaqqete Teesso Kissine SBC Maate Ikke

Facebook: -

https://www.facebook.com/profile.php?id=61563363361689 https://www.facebook.com/profile.php?id=100064075051944

YouTube: -

Telegram: - https://t.me/sbcnewmedia

WhatsApp: - https://whatsapp.com/channel/0029VaZ2D6NH5JLsF9xJaB1o