Qoqqowu Deerrinni Anga Ajjinore Kaa'late Dagate Beeqqo Kakkao Leellishshinno Gumi Naandanniha Ikkasi Sidaamu Qoqqowi Jireenyu Paarte Sinu Borro Mini Tantanote Handaari Sooreessi Kalaa Ashenaafi Eeliyasihu Xawisi.

 ‎ *******************

Hawaasa, Fooqa 04, 2018(SBC)

Gobbate deerrinni Techo Fooqa 4nni Ayirrinsanni Hee'noonniha Baci-dagoomimmate Barranna Qoqqowu Jireenye Paarte Wortino Faasho Kaima Assatenni Aliyye Sidaami Zoone Qarrataamma Kaa'late Loonsoonni Loossa Towaanyo Assinoonni.

Amanyooteho leelle sokka saysinohu Sidaamu Qoqqowi Jireenyu Paarte Sinu Borro Mini Tantanote Handaari Sooreessi Kalaa Ashenaafi Eeliyasihu Paarte wortino faasho garinni uminsa fajjonni qarraataama kaa'late dagate beeqqo feeffante naandannita ikkasi kule Sidaamu Daga bude assidhe keeshshitino mimmito kaa'late amanyooti bilchaatino garinni sufanni noota xawisino.

Sooreessu ledoteno mimmito kaa'lamate daga assitanni noo beeqqora galatasi shiqishe kuni kaajje sufa hasiissannota dhaamino.

Lakkote Quchumi Kantiiwa Dukko Netsaanneti Shonkooritinna Shabbadiini Woradi Qaru Gashshaanchi Kalaa Eeliyaasi Ayyelehu, Quchumu giddono ikko Woradu deerrinni afantanno olluubbara maatete jireenyi taqqara tantanne daga baqqeenyunni beeqqitanno gede qeechinoonni garinni yawonsa fulate daga hagiirraama ikkase kulte wolqa hooggino qansootira mine minne, haaru dirira haaro mine higganno gede injo qineessinoonnita kulte qolleno angate anjenni rosu minira e'ukkinni gattanno rosaanora uddiinnu kaa'lono assinanni afammannita huwachishshino.

Barraho filante kaayyote beeqqaasine ikkitinori SBCra uytino hedo garinni angate ajnenni albaanni sayissino qarru heeshsho techo hagiirreho soorrantinonsata kulte kaa'lo assitinonsa bissara galatansa shiqishshino.

Abbayne Akililu

‎ ‎Hedote Luphiimmara 

Ledote Mashalaqqera 

Woriidi Mashalaqqete Teesso Kissine SBC Maate Ikke❗️

Facebook: -

https://www.facebook.com/profile.php?id=61563363361689 https://www.facebook.com/profile.php?id=100064075051944

YouTube: -

https://youtu.be/fUjnn1dQLg8?si=1bzb_8Nx8mnC-Vk5

Telegram: - https://t.me/sbcnewmedia

WhatsApp: - https://whatsapp.com/channel/0029VaZ2D6NH5JLsF9xJaB1o