የሲዳማ ክልል ፕረዚዳንት አቶ ደስታ ለዳሞ እንደተናገሩት ከጥቂት ወራት በፊት በሀዋሳ ከተማ በአንድ ግለሰብ ላይ ተከስቶ የነበረውን የማርበርግ ቫይረስን በጠንካራ አስተዳደር ምሪት ከሕብረተሰቡ ፣ መንግስታዊና መንግስታዊ ካልሆኑ ከጤና ተቋማት ፣ ከአገር ሽማግሌዎችና ከዘርፉ ባለሙያዎች ጋር በመቀናጀት በተሰራው ስራ ቫይረሱ ወደሌላ ሕብረተሰብ ክፍል ሳይዛሜት መቆጣጠር መቻሉን ገልጸዋል ።

ፕረዚዳንቱ አክለውም ቫይረሱን ለመቆጣጠር የድርሻቸውን ለተወጣጡ አካላት በክልሉና በራሳቸው ስም አመስግነዋል።

የኢፌዴሪ ጤና ሚንስቴር ሚንስትር ድኤታ ወ/ሮ ሰሃረላ አብዱላሂ የማርበርግ ቫይረስ በኢትዮጵያ በጂንካ ተከስቶ የነበረው በሀዋሳም ስከሰት በተለያዩ ማህበራዊ ሚዲያዎች ሕዝብን የሚያደነጋግር የሐሰት ወሬ ብሰራጭም በፈጣሪ እገዛና በተባበረ ክንድ ቫይረሱን ሙሉ ለሙሉ መቆጣጠር ተችሏል ብለዋል ።

የሲዳማ ክልል ጤና ቢሮ ኃላፊ ዶክተር ሰላማዊት መንገሻ በበኩላቸው የማርበርግ ቫይረስ ከኮቪድ ቀጥሎ አደገኛ ገዳይ በሽታ መሆኑን ገልጸው በክልሉ ከአንድ ሰው ሞት በቀር ተጨማር ሞት ሳይከሰት የፈጣሪ እገዛ ታክሎበት በቁጥጥር ስር መዋሉን አስገንዝበዋል ።

በተለይ ከሞት ጋር በመጋፈጥ ቯይረሱ በአጭር ጊዜ ውስጥ በቁጥጥር ስር እንዲሆን የሚጠበቅባቸውን ለተወጡ ለዘርፉ ባለሙያዎች ምስጋና ይገባቸዋል ብለዋል ።